د لوړو زده کړو وزارت مالي او اداري معینیت سرپرست د لوړو زده کړو د پراختیا پروګرام فعالیتونه وڅېړل

baqir_admin
چهارشنبه ۱۴۰۰/۶/۱۰ - ۵:۰
پ

د لوړو زده کړو وزارت اداري او مالي معین پرون د لوړو زده کړو د پراختیایي پروګرام (HEDP) له مسئولینو سره ناسته کې د دغه پروګرام د تېرو فعالیتونو راپور واورېد او د راتلونکو پروګرامونو په وړاندې یې د پرتو خنډونو د لرې کولو ژمنه یې ورسره وکړه.

په دغه ناسته کې د لوړو زده کړو وزارت اداري او مالي چارو معین ښاغلي مولوي اسد الله فرید سربېره د دغه وزارت د زدکړیالانو چاور او علمي چارو معینانو هم ګډون درلود.

د غونډې په بهیر کې د لوړو زده کړو د پراختیایي پروګرام مسوول خالد مومند د دغه پروګرام پر تېرو فعالیتونو، راتلونکو پلانونو او کاري لومړيتوبونو او لاسته راوړنو رڼا واچوله.

نوموړي د هغه ستونزو یادونه هم وکړه چې دغه پروګرام په تېر کې ور سره مخ و.

په یاده غونډه کې د لوړو زده کړو مالي او اداري معین ښاغلي مولوي اسد الله فرید د لوړو زده کړو د پراختیايي پروګرام په وړاندې د پرتو ټولو خنډونو په لرې کولو کې د همکارۍ ژمنه وکړه.

خالد مومند او ټیم یې د خپل راپور وړاندې کولو په لړ کې د دغه پروګرام مهمې موخې، اساسي برخې او تر سره شویو کړنو لنډيز وړاندې کړ. هغه زیاته کړه چې نوموړي پروګرام تر دې مهاله په دولتي پوهنتونونو کې د آی سي ټي ۱۲ مرکزونه جوړ کړي او لسو نورو پوهنتونونو ته یې د آی سي ټي تجهیزات چمتو کړي دي.

همدارنګه هغه وویل چې دوی تر اوسه د شاګرد محوره زده کړو په برخه کې کابو ۲۳۰۰ دولتي استادان روزلي دي.

ښاغلي مومند همدارنګه زیاته کړه، چې دوی د خپل پروګرام له لارې د ماسټرۍ ۴۸۸ او د دوکتورا ۵۳ بورسونه ورکړي چې له دې ډلې یې ۲۵۱ کادري غړو د ماسټرۍ پروګرامونه بشپړ کړي او خپلو پوهنتونونو کې په تدریس بوخت دي. نوموړي د خپل پروګرام له لارې د وړاندې شویو خدماتو ټول ارقام وړاندې کړل.

تازه خبرونه

یکشنبه ۱۴۰۰/۷/۲۵ - ۷:۲۲
Background image

ازبکستان ته د ا.ا.ا د لوړ پوړي پلاوي سفر او د یاد هېواد د منځنیو او لوړو زده کړو له وزیر سره د ا.ا.ا د لوړو زده کړو سرپرست او ورسره ټیم لیدنه وشوه.

تېره ورځ د ۱۴۴۳ هـ.ق کال د ربیع الاول په ۱۰ مه نېټه، د ا.ا.ا د رئيس الوزرا د مرستيال محترم مولوي عبد السلام حنفي په مشرۍ لوړ پوړي پلاوي دوست هېواد ازبکستان ته یو ورځنی سفر ترسره کړ، چې. . .

شنبه ۱۴۰۰/۷/۲۴ - ۹:۲۳
Background image

اوسنی وضعیت ایجابوي چې داسې علمي معیارونه رامنځته شي چې افغانستان د پرمختګ په تګلوري برابر کړي

دغه ټکی د لوړو زده کړو وزارت سرپرست شیخ عبدالباقي حقاني په هغه ناسته کې څرګند کړ چې د خصوصي پوهنتونونو او تحصیلي موسسو د ستونزو هوارولو، حل لارو، فرصتونو په ګوته کولو او غوښتنو په موخه. . .

یکشنبه ۱۴۰۰/۷/۱۸ - ۵:۸
Background image

د لوړو زده کړو وزرات عالي شورا تر سره شوه

د لوړو زده کړو عالي شورا ناسته، د لوړو زده کړو سرپرست وزیر شیخ عبدالباقي حقاني په مشرۍ تر سره شوه.

په دغه ناسته کې، چې د لوړو زده کړو وزارت معینانو، مرکزي پوهنتونونو رییسانو، د ښوونې. . .

BACK TO NEWS