د لوړو زده کړو وزارت بشري سرچینو ریاست له لوري د مرکزي تحصیلي بنسټونو ۱۹۸ نویو مقررو شوو اداري کارمندانو لپاره له کاري چاپېریال سره د بلدتیا یو ورځنی ورکشاپ دایر شو.
د لوړو زده کړو وزارت بشري سرچینو ریاست له لوري د مرکزي تحصیلي بنسټونو ۱۹۸ نویو مقررو شوو اداري کارمندانو لپاره له کاري چاپېریال سره د بلدتیا یو ورځنی ورکشاپ دایر شو.
د ورکشاپ په پرانیسته کې د لوړو زده کړو وزارت د بشري سرچینو رئيس مولوي سلطان محمد محسن د دغه ریاست د تشکیل او مسؤلیتونو په اړه معلومات ورکړل او له نویو مقررو شوو کارکوونکو څخه یې وغوښتل چې په اخلاص د خپلو خلکو خدمت وکړي او خپل صورت او سیرت د رسول الله صلی الله علیه وسلم له سنتو سره برابر کړي.
د یادونې وړ ده چې په دغه ورکشاپ کې به د بشري سرچینو ریاست مسؤلینو له لوري نویو مقررو شوو کارکوونکو ته د لوړو زده کړو وزارت د تاریخچې او تشکیل، کاري پروسیجرونو، کاري مسؤلیتونو او کاري چاپېریال سره د بلدتیا په اړه روزنه ورکړل شي.
نېټه: پنجشنبه
۱۴۴۶هـ.ق، د ربیع الال ۲مه
۱۴۰۳هـ.ش، د سنبلې ۱۵مه
۲۰۲۴م، د سپټمبر ۵مه
