د لوړو زده کړو وزارت او د کار او ټولنیزو چارو وزارت تر منځ د دوه اړخیزو همکاریو هوکړه لیک لاسلیک شو.
دغه هوکړه لیک د لوړو زده کړو وزارت علمي معین دوکتور لطف الله خیرخوا او د کار او ټولنیزو چارو سرپرست وزیر ملا عبدالمنان عمري له لوري لاسلیک شو.
د دغه هوکړه لیک څخه موخه د لوړو زده کړو څخه فارغ محصلین به د کار او ټولینزو چارو وزارت ته د کاریابۍ او کار اموزۍ لپاره معرفي کیږي او هغوی به یې د کارموندنې په برخه کې د ظرفیت لوړونې تر څنګ د کاري فرصتونو په برابرولو کې همکاري کوي.
دغه راز د لوړو زده کړو وزارت به د کار او ټولنیزو چارو وزارت کار کوونکو ته د فوق الېسانس لوړو زده کړو زمینه برابروي او د هغوی علمي ظرفیت لوړونه به کوي
همدارنګه د کار او ټولنیزو چارو وزارت به په خپلو پروژو کې د تحصیلي بنسټونو د علمي کادرونو له څېړنو، طرحو او تجربو څخه به د اړتیا په مهال ګټه اخلي.
