د علي آباد تدریسي روغتون د تغذیې څانګه او د کابل ابو علي ابن سینا د طبي علومو پوهنتون د تغذیې ډیپارټمنټ لابراتوار پرانیستل شو

baqir_admin
چهارشنبه ۱۴۰۰/۱/۱۸ - ۱۲:۳۹
g

د علي آباد تدریسي روغتون د تغذیې څانګه او د کابل ابو علي ابن سینا د طبي علومو پوهنتون د تغذیې ډیپارټمنټ لابراتوار د لوړو زده کړو وزیر ډاکټر عباس بصیر لخوا پرانیستل شوه.

په دغه محفل کې چې په همدې موخه جوړ شوی و او د علي آباد تدریسي روغتون او د کابل ابو علي ابن سینا د طبي علومو پوهنتون مشرانو او د تغذیې ډیپارټمنټ یو شمېر څانګپوهانو (متخصصین) هم پکې ګډون درلود، د لوړو زده کړو وزیر په علي آباد تدریسي روغتون کې د دغې څانګې د پراختیا پر ملاتړ ټینګار وکړ.

ډاکټر عباس بصیر په داسې حال کې چې د سالمو او صحي خواړو په کارولو پوهې ته د ودې ورکولو اهمیت ته د اشارې سربېره، د علي آباد تدریسي روغتون کې د تغذیې ډیپارټمنټ پرانیستل د صحي خوړو په برخه کې د علمي څېړنو لپاره ښه لار وبلله او ویې ویل:"د انسان قدرت د خوړو په کیفیت پورې تړاو لري او ښه او سالم خوراک ناروغي کموي او د رضایت وړ ژوند لامل کېږي او له وخت مخکې زړښت مخه نیسي."

د لوړو زده کړو وزیر د کابل ابو علي ابن سینا د طبي علومو پوهنتون او د علي آباد تدریسي روغتون هڅې وستایلې او ویې ویل که دا هڅې دوام ومومي او په دې برخه کې کیفیت او وړتیا رامنځته شي، د لوړو زده کړو وزارت چمتو دی چې په دې پوهنتون کې د تغذیې ډیپارټمنټ ته وده ورکړي او په پوهنځي یې بدل کړي.

هغه همدارنګه د دغه پروګرام د تمویل لپاره د اروپایي اتحادیې د تغذیې پروژې څخه مننه وکړه او همدا راز په دې برخه کې یې د ملاتړ د دوام غوښتنه وکړه.

د کابل ابو علي ابن سینا د طبي علومو پوهنتون مشر پوهاند ډاکټر وحیدالله مومند هم د صحي خوړو په اړه د اسلام او طب له نظره وینا وکړه او د اروپايي اتحادیې د تغذیې پروژې لخوا یې د علي آباد تدریسي روغتون د تغذیې څانګې او د کابل ابو علي ابن سینا د طبي علومو پوهنتون د تغذیې ډیپارټمنټ تمویل او تجهیز یو ارزښتناکه ګام وباله.

هغه وویل چې لابراتوارونه څېړنیز وسایل دي چې د علي آباد روغتون او د کابل ابو علي ابن سینا د طبي علومو پوهنتون د ډاکټرانو لخوا پوره ګټه ترې اخیستلای شي.

د اروپايي اتحادیې د تغذیې پروژې استازي ډاکټر احمد ولي امیني هم په دې موضوع وینا وکړه او ویې ویل چې دې پروژې تل د نړیوالو مرستو په راجلبولو سره ناروغانو ته د خواړو په برابرولو کې مرسته کړې او همدا راز د کابل طبي علومو پوهنتون او د علي آباد تدریسي روغتون د تغذیې ډیپارټمنټ څخه د ملاتړ دوام لپاره به روان کال بېلابېل پروګرامونه ولري.

د یادونې وړ ده چې د کابل ابوعلي ابن سینا طبي علومو د تغذیې ډیپارټمنټ د اروپا اتحادیې د تغذیې پروژې په ملاتړ خپل یو شمېر ډاکټران د اوږدمهالې روزنې لپاره د تهران طبي پوهنتون ته استولي او د دغه پوهنتون څلورو ډاکټرانو هم د تهران طبي علومو پوهنتون څخه د تغذیې په برخه کې د ماسټرۍ او دوکتورا په کچه د فراغت سندونه ترلاسه کړي دي.

تازه خبرونه

سه‌شنبه ۱۴۰۰/۲/۲۱ - ۵:۵
Background image

مالي او اداري معین نور احمد دروېش په کابل پوهنتون کې د برېښنایي پېژندپاڼو وېشلو ټیم وستایه

 د لوړو زده کړو وزارت مالي او اداري معین په کابل پوهنتون کې د برېښنایي پېژندپاڼو د وېشلو ټیم وستایه او د پېژندپاڼو وېشلو او خلکو د ښو اسانتیاوو رامنځته کولو په برخه کې یې د هغوی مدیریت. . .

دوشنبه ۱۴۰۰/۲/۲۰ - ۱۰:۳۲
Background image

د لوړو زده کړو وزیر د اساسي قانون پر پلي کېدو د څار کمېسیون له غړي سره وکتل

د لوړو زده کړو وزیر دوکتور عباس بصیر د اساسي قانون پر پلي کېدو د څار کمېسیون له غړي عبدالله شفاهي سره ولیدل.

د دغې لیدنې موخه له اساسي قانون څخه د تحصیلي بنسټونو د خبرولو پروګرامونو. . .

دوشنبه ۱۴۰۰/۲/۲۰ - ۶:۹
Background image

په پام کې ده چې د هېواد په لویو پوهنتونونو کې د پښتو ژبې او ادبیاتو د ماسټري پروګرامونو ته لار هواره شي

په پام کې ده چې د تقنیني اسنادو پر بنسټ د هېواد لویو پوهنتونونو تر منځ د ماسټرۍ ګډ پروګرام په لوړ او معیاري کیفیت رامنځته شي چې په لومړي نوښت کې د هېواد د دولتي پوهنتونو تر منځ د ۷ اړخی. . .

BACK TO NEWS