د دوکتورا، ماسټرۍ او ليسانس په برخه کې د رومانیا هېواد د تحصيلي بورسونو خبرتیا

Akmal_admin

Due

-

Location رومانیا

د بهرنيو چارو وزارت د (۲۰۲۱ او ۲۰۲۲) کلونو له پاره، له اروپايي ټولنې بهر نورو هېوادونو له پاره، له ستوماتولوژي، طب او فارمسي پونځيو پرته په بېلابېلو څانګو کې د رومانیا هېواد د تحصيلي بورسونو د ورکړې خبر ورکړی دی او له افغانستان څخه يې هم په شرایطو برابرو او لاندې اسنادو لرونکو کسانو د ور پېژندو غوښتنه کړې ده:

  • د غوښتنليک د فورمې ډکول
  • د ټرانسکريپټ او ډيپلوم د انګريزي ژباړې کاپي
  • د پاسپورټ د لومړيو دريو پاڼو کاپي
  • روغتیايي بيمه
  • د سوانحو خلص
  • يوازې د دوکتورا پروګرام د نوماندو له پاره، هوډپاڼه يا Letter of intent

د نوماند کېدو شرایط:

  • د ليسانس برخه کې نوماندو د ليسې دورې نومرو سلنه له ۷۰ ښکته نه وي.
  • د ماسټرۍ برخه کې نوماند د ليسانس دورې نومرو سلنه له ۶۵ ښکته نه وي.

 نوماندان کولای شي خپل اسناد په مستقيم ډول په دې (scholarship@mae.ro) برېښناليک سره ولېږي او د خپلو اسنادو اصل په فزيکي يا پوستې DHL له لارې د ۲۰۲۱م کال د مې له ۵ مې يا ۱۴۰۰/۲/۱۶ مخکې بورس ورکوونکي هېواد ته ولېږي او له ټاکلي وخت وروسته بيا اسناد د منلو وړ نه دي. د يادونې وړ ده چې د محصلينو له پاره د بورس ورکوونکي هېواد له لوري د پوهنتون فيس، د اوسېدو لګښتونه او نور مالي لګښتونه د ليسانس له پاره د مياشتې ۶۵ يورو، ماسټري ۷۵ يورو او د دوکتورا له پاره هم ۸۵ يورو په پام کې نيول شوي دي خو د تګ راتګ ټکټ د محصل په غاړه دی. نوماند بايد په رومانيايي ژبه پوه شي، کنه تر تحصيل مخکې بايد يو کال د رومانيايي ژبې زده کړه وکړي. د ډېرو معلوماتو او فورمې د ترلاسه کولو له پاره د رومانيا هېواد د بهرنيو چارو وزارت انټرنيټي پاڼې (http://www.mae.ro/en/node/10251) ته ورشئ. ښاغلي نوماندان دې د ټولو فورمو د ترلاسه کولو له پاره له خپلو اسنادو سره يو ځای د لوړو زده کړو وزارت د پذيرش ۲۱مې شمېرې غرفې ته ورشي او د ۱۳۹۹/۱۲/۲۸ مې نېټې مخکې دې له خپلو ټولو سافټ لازمو اسنادو سره چې سکن شوي وي وزارت ته ورکړي او موضوع دې له رسمي لارې وڅاري. د يادونې وړ ده چې د پوست DHL له لاري د نوماندو د اسنادو لېږل، د نوماند له لارې ترسره کېږي.

1. د رومانیا بورسونو ملپاڼې 

2. د رومانیا بورسونو ملپاڼې

3. د رومانیا بورسونو ملپاڼې

4. د رومانیا بورسونو ملپاڼې

آخرین بورسیه ها

شنبه ۱۴۰۰/۱/۱۴ - ۸:۵۷
Background image

د ماسټري او دوکتورا په کچه د اندونیزیا سرابایا ښار (ITS) ټکنالوژي پوهنتون د بورسونو خبرتیا

په جاکارتاـ اندونیزیا کې د افغانستان اسلامي جمهوریت سفارت د اندونیزیا سرابایا ښار (ITS) ټکنالوژي پوهنتون، افغان ځوانانو ته د نوملیکنې د هڅونې په پار د بورسونو د ورکولو خبر ورکوي. د (ITS . . .

چهارشنبه ۱۴۰۰/۱/۴ - ۴:۲۷
Background image

د لېسانس او ماسټرۍ په کچه د آذربایجان هېواد Alimardan bay Topchubashov یا ADA پوهنتون تحصیلي بورسونو خبرتیا

په یونسکو سازمان کې د جمهوري آذربایجان دایمي څانګې د دغه هېواد د تحصیلي بورسونو خبر ورکړی.

د اړتیا وړ اسنا:

۱ـ د ماسټرۍ دورې د نوماند د نمرو سلنه باید له ۶۵ لوړه وي. (د تحصیلي اسنادو . . .

پنجشنبه ۱۳۹۹/۱۲/۲۸ - ۸:۱۹
Background image

د لېسانس، ماسټرۍ او دوکتورا په کچه د اندونیزیا هېواد KNB تحصیلي بورسونو خبرتیا

په کابل کې د اندونیزیا سفارت د ۲۰۲۱ تحصیلي کال لپاره مخ په ودې هېوادونو لپاره د لېسانس، ماسټري او دوکتورا په کچه د دغه هېواد په ۲۳ پوهنتونونو کې د (KNB) پروګرام تحصیلي بورسونو خبر ورکوي . . .