د یادې ازموینې پر مهال د کندوز پوهنتون رئیس مولوي عبدالهادي همت ګډونوالو ته په ازموینه کې د شفافیت او عدالت ډاډ ورکړ او ویې ویل‎ چې په دې رقابتي ازموینه کې به د غوره او بریالیو محصلانو د هڅونې په موخه نغدي، معنوي او مادي ډالۍ ورکړل شي. نوموړي زیاته کړه چې د امیرالمؤمنین شیخ صاحب حفظه‌الله د فرمانونو په اړه دغه ډول رقابتي ازموینې په کندوز پوهنتون کې په کال کې دوه یا درې ځله اخیستل کېږي.
په یادو فرمانونو کې د ښځو د حقونو، په ملک کې د کوکنارو د کښت ممنوعیت، د لمانځه اقامې، د انساني قاچاق مخنیوی، د خېښۍ، ودونو، مصیبتونو او همدا راز له حج او عمرې څخه د راستنېدو پر مهال د ناسمو رواجونو د مخنیوي فرمانونه شامل وو.