You are here

ورکشاپ معرفی برنامه ارزیابی پوهنتون ها ومؤسسات تحصیلات عالی طبی خصوصی افغانستان دایر گردید

 

ورکشاپ معرفی برنامه ارزیابی پوهنتون ها ومؤسسات تحصیلات عالی طبی خصوصی افغانستان امروز در وزارت تحصیلات عالی دایر گردید.
در نشست که به همین مناسبت در مرکز وزارت تحصیلات عالی دایر گردیده بود، پوهنمل دیپلوم انجینرعبدالتواب بالاکرزی معین علمی وزارت تحصیلات عالی، رووسای مرکزی وزارت، استادان بخش طبی پوهنتون ها، مسوولان بخش صحت وزارت صحت عامه اشتراک نموده بودند.
پوهنمل عبدالتواب بالاکرزی معین علمی وزارت تحصیلات عالی، همکاری میان وزارت تحصیلات عالی و وزارت صحت عامه در راستای ارزیابی مؤسسات تحصیلات عالی طبی خصوصی را مهم تلقی نموده و آنرا یک رسالت ملی دانست.
معین علمی وزارت تحصیلات عالی از تیم های مسوول در بخش ارزیابی پوهنتون های طبی خصوصی خواست که مطابق به معیار های علمی و اکادمیک، صحت عامه کشور و معیارهای بنیادی آموزشی طبی نهاد های یاد شده را ارزیابی نموده ونتیجه آنرا طی 45 روز آینده به این وزارت ارسال دارند.
این ورکشاپ درحالی برگزار گردید که بنا بر فیصله کابینه جمهوری اسلامی افغانستان، وزارت تحصیلات عالی مسوولیت دارد تا با همکاری وزارت صحت عامه، مؤسسات تحصیلات عالی طبی خصوصی را درمرکز و ولایات کشور ارزیابی نموده و از نتیجه آن به مقام عالی ریاست جمهوری گزارش دهند.
قابل یاد آوری است که درمجموع 45 نهاد تحصیلی طبی خصوصی در کشور وجود داشته که از این میان 19 نهاد آن درمرکز وبقیه در ولایات وجود دارد.