You are here

هییت رهبری وزارت تحصیلات عالی از دفاترکاری وکارمندان این وزارت دیدار کردند وعید سعید فطر را به آنان تبریک گفتند

 

دکتور احمد سیر مهجور معین مالی واداری وزارت تحصیلات عالی، پوهاند دوکتور بری صدیقی معین امورمحصلان و رووسای مرکزی این وزارت از دفاتر کاری دیدار نموده وعید فطر را به کارمندان ومنسوبان وزارت تحصیلات عالی تبریک گفتند. 
آنان ضمن تبریکی عید به منسوبان وزارت تحصیلات عالی از حضور آنان در دفاتر کاری شان در روز نخستِ بعد از عید، سپاس گزاری نموده و آن را نمایانگر صداقت و حس خدمت گزاری کارمندان به مردم و حوزه تحصیلات عالی کشورعنوان نمودند. 
هم چنان دراین دیدار، مشکلات، چالش ها، چگونگی عرضه خدمات توسط کارمندان، امکانات وتجهیزات دفاتر کاری به بررسی گرفته شد و از شیوه عرضه خدمات دراین دفاترابراز خشنودی به عمل آمد. 
دکتور احمد سیر مهجور معین مالی واداری وزارت تحصیلات عالی وعده سپردند که موانع وکمبوداتی را که باعث کندکاری و اخلال درمسیر پیشرفت کار گردد، برداشته وتلاش خواهد شد تا تمام دفاتر وزارت تحصیلات عالی به گونه معیاری جهت عرضه خدمات به شهروندان وداوطلبان بخش های علمی وتحصیلی در کشور تجهیز وتعمیر گردند.