You are here

سرپرست وزارت تحصیلات عالی با کارمندان مرکزی وزارت تحصیلات عالی عید مبارکی نمود

معین علمی و سرپرست وزارت تحصیلات عالی در دیداری از دفاتر مرکزی وزارت تحصیلات عالی عید سعید فطر را برای منسوبان این وزارت تبریک گفته از آنان خواست تا امور محوله شان را به وجه احسن انجام دهند.

پوهنمل عبدالتواب بالا کرزی معین علمی و سرپرست وزارت تحصیلات عالی در حالیکه معین امور محصلان و مالی و اداری، تعداد از رؤسای ادارات مرکزی این وزارت وی را همرای میکردند، ضمن ارزیابی دفاتر مرکزی این وزارت و عید مبارکی با کارمندان، از آنان خواست تا در امور محوله شان بیش از پیش کوشیده، مسوولیت های کاری شان را به اسرع وقت و صادقانه انجام دهند.
قابل ذکر است که هیأت رهبری وزارت تحصیلات عالی در نخستین روز عید سعید فطر به شفاخانه های کادری میوند، علی آباد، شهرآرا و شفاخانه امراض قلبی رفته در کنار عیادت مریضان، به آنان یک اندازه تحایف نقدی نیز توزیع نمودند.