د هېواد د تحصیلي بنسټونو د ښوونې او رزونې یو شمېر پوهنځیو د تحصیلي نصاب د بیاکتنې او پراختیا لومړی پړاو کلسټر په بریالي ډول پای ته ورسېد.
د تحصیلي بنسټونو د ښوونې او روزنې برخې د تاریخ، جغرافیې، ټولنپوهنې، بدني روزنې او چاپېریال ساتنې څانګو د تحصیلي نصاب د بیاکتنې او پراختیا پنځه ورځنی کلسټر په اختتامیه غونډې سره پای ته ورسېد.
په یاده غونډه کې د تحصیلي نصاب د ملي کمیسیون غړي او د کلسټر ګډونوالو د یاد کلسټر کاري راپور وړاندې کړ، د ترسره شویو کارونو په اړه یې معلومات ورکړل او د نصاب د پلي کولو په برخه کې یې خپل وړاندیزونه وړاندې کړل.
د هېواد د تحصیلي بنسټونو پر نصاب د تحصیلي نصاب ملي کمیسیون غړو، اړوندو څانګو استادانو او ادارو استازو له لوري په دریو پړاوونو کې کار کېږي.
د یادونې وړ ده چې په څلورو کلونو کې یو ځل د تحصیلي نصابونو په بیاکتنه او پراختیا کار کيږي او نوي پرمختګونه ورزیاتیږي.
نېټه: چهارشنبه
۱۴۴۶هـ.ق، د ربیع الاول ۲۲مه
۱۴۰۳هـ.ش، د میزان ۴مه
