په ننګرهار پوهنتون کې "د اقلیم بدلون نړیوال کنفرانس" د ا.ا.ا د کابینې غړو، د داخلي او بهرنیو هېوادونو استادانو په ګډون سره پیل شو.

nasir_admin
یکشنبه ۱۴۰۲/۱۱/۲۲ - ۸:۱۱
8563211110000


یاد کنفرانس ته د ۲۵۰ داخلي او بهرنیو استادانو او څېړونکو خپلې علمي - څېړنیزې مقالې رالېږلي، چې ۱۴۰ به یې په کنفرانس کې وړاندې شي.
د کنفرانس په پرانیستې مراسمو کې د ریاست الوزراء سیاسي مرستیال مولوي عبدالکبیر وویل چې اسلامي امارت په هېواد کې د ځنګلونو وهل منع کړي او په دې وخت کې یې د دې کنفرانس دایرول مهم وبلل.
دغه راز د لوړو زده کړو وزیر شیخ الحدیث مولوي نداء محمد ندیم پر ټولو افغانانو غږ وکړ چې اوبه او هوا پاک وساتي او دا کار یې د هر مسلمان مسؤلیت یاد کړ.
نوموړي زیاته کړه چې سترو صنعتي هېوادونو د خپلو ګټو لپاره اقلیم زیانمن کړی او په دې برخه کې یې د افغانانو حقونه تر پښو لاندې کړي او زیاته یې کړه چې ښکېلاکګرو پر موږ د فزیکي یرغل تر څنګ، زموږ اقلیم هم زیانمن کړی، چې باید دغه ظلم ودروي.
د لوړو زده کړو وزیر له سکتوري وزارتونو وغوښتل چې د یاد کنفزانس له څېړنو په خپلو پالیسیو کې ګټه واخلي.
همدارنګه د لوړو زده کړو وزارت علمي معین دوکتور لطف الله خیرخواه د دې کنفرانس ګټه د استادانو د څېړنو پراختیا او د نړیوالو له لوري د افغانستان اقلیم زیانمنېدو پر وړاندې غږ پورته کول یاد کړل.
ښاغلي خیرخواه زیاته کړه چې نړیوال د بشریت ژغورنې په نوم تشریفاتي غونډې کوي، په داسې حال کې چې همدې سترو صنعتي هېوادونو بشر له ګنو اقلیمي ستونزو سره مخ کړی دی.
همدا راز د یاد کنفرانس په پرانیسته کې د اسلامي امارت د کرنې، اوبو لګولو او مالدارۍ، د کلیو پراختیا، د ښار جوړونې او عامې روغتیا وزیرانو او همدارنګه د چارو ادارې لوی رئیس، د چاپېریال ساتنې ادارې لوی رئیس، د پوهنتون مشرتابه پلاوي او د بهرنیو هېوادونو څېړونکو په افغانستان کې د اقلیمي بدلون او وچکالۍ پر لاملونو، ستونزو او حلار خبرې وکړې.
د اقلیم بدلون نړیوال درې ورځني کنفرانس له مقالو څخه به د سکتوري وزارتونو د پالیسیو او طرحو جوړولو کې کار واخیستل شي او لیکوالو استادانو ته به یې د مالي امتیازاتو تر څنګ، په ترفیع کې حسابیږي.
لوړو زده کړو وزارت په روان کال کې ۳ ملي او یو نړیوال کنفرانس دایر کړی او په همدې کال کې ۳ نور ملي او یو نړیوال کنفرانس په پام کې لري.

Latest announcements

چهارشنبه ۱۴۰۳/۱/۱۵ - ۷:۳۵
Background image

د قرارداد ورکولو تصمیم نیونې خبرتیا ! 


په دې توګه د تدارکاتو قانون د( ۴۳ ) مادې د( ۲) فقرې له مخې ټولو ته خبر ورکول کیږي، چې د لوړو زده کړو وزارت په پام کې لري، چې د (ننګرهار، پکتيا، هرات او هلمند) ولایتونو ديني جامعاتو . . .

چهارشنبه ۱۴۰۳/۱/۱۵ - ۷:۴
Background image

د قرارداد ورکولو تصمیم نیونې خبرتیا ! 


په دې توګه د تدارکاتو قانون د( ۴۳ ) مادې د( ۲) فقرې له مخې ټولو ته خبر ورکول کیږي، چې د لوړو زده کړو وزارت په پام کې لري، چې د لوړو زده کړو وزارت کادري روغتونونو معلوماتي مديريتي سيسټم . . .

Back to announcements

تازه خبرونه

شنبه ۱۴۰۳/۲/۱ - ۱۰:۳۱
Background image

د لوړو زده کړو وزارت علمي او محصلانو چارو معین صاحبانو د ۱۴۰۳هـ.ش کال کانکور د څرنګوالي په اړه د ازموینو ملي ادارې له استازي سره د همغږۍ ناسته وکړه. 


د لوړو زده کړو وزارت علمي معین دوکتور لطف الله خیرخواه، د محصلانو چارو معین مفتي محمد طاهر احمد او د دغه وزارت د مرکزي ادارو یو شمېر رئیسانو د ازموینو ملي ادارې له راغلي استازي سره د. . .

شنبه ۱۴۰۳/۲/۱ - ۷:۶
Background image

د شيخ زايد پوهنتون طب پوهنځی دوه ويشتمې دورې څخه  ۷۵ تنه محصلان فارغ شول.


په همدې مناسبت غونډه، چې د ياد پوهنتون د  امام ابو حنیفه رحمة الله په تالار کې جوړه شوې وه، د شیخ زايد پوهنتون رئيس شيخ الحدیث مسلمين راشد، د پوهنتون مرستيالانو، استادانو، محصلانو او د. . .

چهارشنبه ۱۴۰۳/۱/۲۹ - ۹:۱
Background image

د لوړو زده کړو وزارت علمي معین ته د جامي خصوصي پوهنتون استازي د تضمین کیفیت په اړه د علمي ـ څېړنیز کنفرانس د جوړېدو پېشنهادي طرحه وړاندې کړه.  


د جامي خصوصي پوهنتون علمي مرستیال عتیق الله رحیمي د لوړو زده کړو وزارت علمي معین دوکتور لطف الله خیرخواه ته، په داسې حال کې چې د تحقیق، تألیف او ژباړې، د تضمین کیفیت او اعتبار ورکولو. . .

BACK TO NEWS