په لوړو زده کړو وزارت کې د هېواد اساسي قانون د تصویب ملي اونۍ لمانځل شوه

ناپیژنده (not verified)
دوشنبه ۱۳۹۸/۱۰/۲۳ - ۵:۳۵
قانون اساسی

لوړو زده کړو وزارت د اساسي قانون د تصویب ملي اونۍ په لمانځغونډه کې د اساسي قانون پر تطبیق د څار کميسيون له لوري د قانون د حاکمیت نښان تر لاسه کړ.

هغه غونډه چې د اساسي قانون د تصویب ملي اونۍ د شپاړسمې کلیزې د لمانځلو په مناسبت په لوړو زده کړو وزارت کې جوړه شوې وه، د لوړو زده کړو سرپرست وزیر پوهنمل عبدالتواب بالاکرزي، د محصلانو چارو مرستیال دکتور بري صدیقي، د اساسي قانون پر تطبیق د څار کميسيون د قوانینو د مطالعې رئیس دوکتور محمد هارون ستانکزي، د ازموينو ملي ادارې رئیس عبدالقدیر خموش، د لوړو زده کړو وزارت مرکزي رئيسانو، د مقام مشاورینو او د مرکزي پوهنتونو مرستیالانو په کې حضور درلود.

په دغه غونډه کې د لوړو زده کړو سرپرست وزیر او علمي مرستیال پوهنمل عبدالتواب بالاکرزي د اساسي قانون پر اهمیت خبرې وکړې او ویې ویل: "د افغانستان اساسي قانون د دې هیواد دولت او ملت لپاره یوه لویه لاسته راوړنه ګڼل کیږي او په عین حال کې د جامعيت او کاملیت له پلوه د سيمې هيوادونو د اساسي قوانينو په پرتله بې ساری دی."

قانون اساسی

د لوړو زده کړو سرپرست وزیر زیاته کړه چې د اساسي قانون د ۴۳ او ۴۶ موادو په اساس، لوړو زده کړو وزارت د یو اکاډمیک بنسټ په توګه مصمم دی چې د قانون د حاکمیت په موخه به په تحصيلي بنسټونو کې اغېزمن پروګرامونه پلي او هیوادوالو ته لازمې آسانتياوې رامنځته کړي.

ښاغلي بالاکرزي د قوانینو د تطبیق او اجراآتو فرهنګ ته په اشارې سره وویل: "د قوانینو د تطبيق او اجراآتو فرهنګ باید په هیواد کې مراعات شي او همدا ډول د خپلې تېروتنې د منلو اصل باید په خلکو کې عام شي، تر څو په راتلونکي کې خپلو اشتباهاتو ته قانوني بڼه ورکول له منځه ولاړ شي".

پوهنمل بالاکرزي د قوانینو د تطبيق او اجراآتو له امله له خپلو ټولو همکارانو مننه او د دې غونډې د جوړونکو ستاینه وکړه.

د اساسي قانون پر تطبیق د څار کميسيون د قوانینو د مطالعې رئیس دوکتور محمد هارون ستانکزي د لوړو زده کړو وزارت له لوري د اساسي قانون د تصویب د ملي اونۍ لمانځنې له کبله مننه وکړه او ويې ویل، چې لوړو زده کړو وزارت او ددې وزارت دویم واحدونه، د قانون د تطبيق او حاکمیت په لاره کې د اساسي قانون پر تطبیق د څار کميسيون له لوري د ممتازې ادارې په عنوان وپیژندل شول.

دوکتور ستانکزي د اساسي قانون د ځانګړتیاوو او محتوياتو په اړه خبرې وکړې او ویې ویل چې لوړو زده کړو وزارت د اساسي قانون او ددې وزارت داخلي قوانینو په تطبیق او اجراآتو کې بر لاسی دی او په همدې اساس دې کميسيون د اساسي قانون د حاکمیت میناتوري شوی نښان ددې وزارت رهبري هئيت ته په نظر کې نیولی دی.

قانون اساسی

په دغه غونډه کې د کابل طبي علومو پوهنتون علمي مرستيال پوهاند دوکتور نجیب الله امرخیل د اساسي قانون په رڼا کې د روغتيايي خدمتونو په اړه او د لوړو زده کړو وزارت د جنډر سلاکارې دوکتور عایشه نورزۍ د افغاستان په حقوقي نظام کې د ښځو د مقام په اړوند خبرې وکړې.

قانون اساسی

د غونډې په پای کې د اساسي قانون پر تطبیق د څار کمیسیون استازي د لوړو زده کړو سرپرست وزير پوهنمل عبدالتواب بالاکرزي او د محصلانو چارو مرستیال دکتور بري صدیقي ته د وزارت د رهبري هیئت په استازيتوب د قانون د حاکمیت نښان ډالۍ کړ.

تازه خبرونه

یکشنبه ۱۴۰۰/۱۰/۲۶ - ۱۴:۲۶
Background image

د لوړو زده کړو وزارت د تضمین کیفیت او اعتبار ورکولو ریاست تر مشرۍ لاندې په لومړي ځل د تضمین کیفیت او اعتبار ورکولو ورکشاپ په هرات پوهنتون کې جوړ شو

۱۴۰۰کال، د مرغومې ۲۶مه
د لوړو زده کړو وزارت د تضمین کیفیت او اعتبار ورکولو ریاست تر مشرۍ لاندې په لومړي ځل د تضمین کیفیت او اعتبار ورکولو ورکشاپ په هرات پوهنتون کې جوړ شو.
د تضمین کیفیت. . .

یکشنبه ۱۴۰۰/۱۰/۲۶ - ۱۱:۲۳
Background image

د لوړو زده کړو وزارت د بیرون مرزي اسنادو د ارزونې کمیسیون لومړنۍ ناسته وشوه.

۱۴۰۰کال، د مرغومې ۲۶مه
د لوړو زده کړو وزارت د بیرون مرزي اسنادو د ارزونې کمیسیون لومړنۍ ناسته وشوه. 
 په هېواد کې له تحولاتو وروسته د بیرون مرزي تحصیلي اسنادو د ارزونې کمیسیون، خپله. . .

یکشنبه ۱۴۰۰/۱۰/۲۶ - ۱۱:۲۰
Background image

علمي معین د علي اباد او کابل صدري – قلبي تدریسي روغتونو څخه لېدنې ترسره کړې.

علمي معین د علي اباد او کابل صدري – قلبي تدریسي روغتونو څخه لېدنې ترسره کړې.

د لوړو زده کړو وزارت علمي معین دوکتور لطف الله خیرخوا د یادو روغتونو څخه د لېدنې پرمهال له ناروغانو سره. . .

BACK TO NEWS