د لوړو زده کړو وزارت د محصلانو چارو معین د یاد وزارت د اطلاعاتو، نشراتو او عامه اړیکو ریاست د نشراتي او چاپي فعالیتونو څخه لیدنه وکړه.
په دغه لیدنه کې د لوړو زده کړو وزارت د محصلانو چارو معین مفتي محمد طاهر احمد د لوړو زده کړو وزارت د اطلاعاتو، نشراتو او عامه اړیکو ریاست د نشراتي او چاپي فعالیتونو څخه د لیدنې ترڅنګ د یاد ریاست د مسلکي او تخنیکي برخو د مسؤلینو غوښتنې او ستونزې واورېدې.
نوموړي په یاده لیدنه کې د اطلاعاتو، نشراتو او عامه اړیکو ریاست له کړنو او فعالیتونو څخه قدردانی وکړ او ویې ویل، چې د دوى د ستونزو په حل کې به مالي امکاناتو ته پاملرنه وکړي.
د یادونې وړ ده، چې د لوړو زده کړو وزارت د اطلاعاتو، نشراتو او عامه اړیکو ریاست په خپل تشکیلاتي جوړښت کې درې آمریتونه لري، چې د نشراتو او اطلاعاتو، مطبعې او عامه اړیکو آمریت پکې شامل دي او هر آمریت خپلې ورځنۍ چارې ښه په صداقت او اخلاص سره پرمخ وړي او هغه دندې، چې د ریاست مقام له لورې ورته سپارل کېږي ترسره کوي.
