د لوړو زده کړو وزارت د تضمین کیفیت پلاوي د څو ورځنۍ ارزونې په ترڅ کې د شیخ زاید پوهنتون چارې و ارزولې.
د لوړو زده کړو وزارت د تضمین کیفیت پلاوي، چې مشري یې د یاد وزارت د تضمین کیفت آمر مفتي نذیر احمد احمدي کوله په څو ورځنۍ ارزونه کې یې د شیخ زاید پوهنتون ټولې چارې د تضمین کیفیت د معیارونو په اساس او د ځانګړو چیک لیستونو له مخې و اروزلې، چې پایلې به یې د چارو د لاښه والي او د دغه پوهنتون په معیار برابرولو په موخه له مسؤلینو سره شریکې شي.
د دغې پلاوي مشر او د تضمین کیفیت آمر مفتي نذير احمد احمدي د ارزونې په وروستۍ ورځ د شیخ زاید پوهنتون رهبري، استادانو او اداري پرسونل هڅې وستایلې او په یو شمېر برخو کې لازمې مشورې ورکړې. نوموړي دغه راز وویل «تل د خپلو آمرينو او مشرانو څخه اطاعت وکړئ، چې دا یوه دیني غوښتنه ده او په عملي کولو سره یې ستاسو کارونه لا ښه کېدلی شي».
د شیخ زايد پوهنتون رئیس شیخ محمد یعقوب نيازي له یاد اووه کسيز هيئت څخه مننه وکړه، چې خپلې ور سپارل شوي چارې یې د اصولو له مخې د صمیميت په فضاء کې پای ته ورسولې او خوښي یې څرګنده کړه چې تېرې څو ورځې یې د دوی د مېلمه پالنې وياړ درلود.
نېټه: چهار شنبه ۱۴۴۴/۷/۱۰ هـ ق ۱۴۰۲/۱۱/۱۲ هـ ش ۲۰۲۳/۲/۱