د افغانستان کرنيزو علومو او ټکنالوژۍ ملي پوهنتون ۱۲۲ تنه فارغان د ټولني خدمت ته وړاندې کړل

baqir_admin
دوشنبه ۱۴۰۰/۱/۲۳ - ۱۲:۳۵
ل

د افغانستان د کرنيزو علومو او ټکنالوژۍ ملي پوهنتون (اناستو) د کرني پوهنځي د لېسانس شلمې دورې د څلورو څانګو (اګرانومي، هارتيکلچر، نبات ژغورني او کرنيز اقتصاد او پراختیا) څخه ۱۲۲ فارغان ټولني ته د خدمت په موخه وړاندې شول.

په ياده غونډه کې د ولايت مقام مرستيال حاجي آغا لالى دستګيري، د ولايتي شورا غړي ښاغلي نعمت الله وفا، سکتوري مشرانو، د اناستو پوهنتون مشرتابه، استادانو، زدکړیالانو، فارغانو او د فارغانو د کورنيو غړو ګډون کړی وو.

په پيل کې د اناستو پوهنتون علمي مرستيال او سرپرست  پوهنمل احمد فواد احساس فارغانو د مبارکۍ ویلو تر څنګ د پوهنتون د تاريخچې، د رامنځته کولو موخو او د کرنې پوهنځي په اړه معلومات وړاندې کړل او همدا راز يې د کرنې او مالدارۍ پر اهميت، په نوموړي سکتور کې د فارغانو رول او د کاري فرصتونو اړوند وینا وکړه.

ورپسې د کرنې پوهنځي سرپرست مشر  سيد احمد سيدي د کرنې پوهنځي د دېرش کلن مزل اړوند معلومات وړاندې کړل او د ټولو استادانو په تېره بیا پاخه عمر لرونکو استادانو هڅې وستایلې.

همدا راز د والي مرستیال   دستګيري ټولو فارغانو او د دوی کورنيو ته د فراغت مبارکي وويله او د کاري فرصتونو اړوند يې د سولې خبرو ته په اشارې هیلمندي وښوده.

د پروګرام په بهیر کې د کرنې مشر حفيظ الله سعيدي د کرنې او مالدارۍ د ارزښت او اړتیا اړوند وږغېده او په هېواد کې یې د کرنې او مالدارۍ سکتور اړوند د مسلکي کسانو پر ډېرېدو خوښي وښوده.

د کرنې او مالدارۍ محصولاتو خونې مرستيال انجنير عتيق الله مسلم د خبرو په بهیر کې وويل چې کرنه او مالداري ميکانيزه کولو ته اړتيا لري. نوموړي زياته کړه:"د فراغت غونډې په بهیر کې ډېر د خوشحالي احساس کوم او اميدواري رابښي چې هېواد د کرنې او مالدارۍ په برخه کې مسلکې اړخ ته روان دی."

د شلمې دورې عمومي اول نمره ښاغلي يما خپلواک د فارغانو په استازیتوب د پوهنتون له مشرتابه او استادانو څخه مننه وکړه چې په څلور کلنه دوره کې يې له شته اسانتیاوو څخه د هېواد په شته شرايطو کې د دوی په روزلو کې ښه ګټه پورته کړې او همدا راز یې په راتلونکي کې يې د شرايطو په برابرېدو سره د نورو لوړو زده کړو ترلاسه کولو هوډ څرګند کړ.

په دغه فراغت غونډه کې زدکړیالانو خپلو استادانو او مېلمنو ته سوغاتونه ورکړل. همدارنګه د پوهنتون د مشرتابه له خوا ځينو زدکړیالانو، فارغانو، د کرنې پوهنځي سرپرست مشر او مرستيال ته ستاينليکونه ورکړل شول.

تازه خبرونه

سه‌شنبه ۱۴۰۰/۲/۲۱ - ۵:۵
Background image

مالي او اداري معین نور احمد دروېش په کابل پوهنتون کې د برېښنایي پېژندپاڼو وېشلو ټیم وستایه

 د لوړو زده کړو وزارت مالي او اداري معین په کابل پوهنتون کې د برېښنایي پېژندپاڼو د وېشلو ټیم وستایه او د پېژندپاڼو وېشلو او خلکو د ښو اسانتیاوو رامنځته کولو په برخه کې یې د هغوی مدیریت. . .

دوشنبه ۱۴۰۰/۲/۲۰ - ۱۰:۳۲
Background image

د لوړو زده کړو وزیر د اساسي قانون پر پلي کېدو د څار کمېسیون له غړي سره وکتل

د لوړو زده کړو وزیر دوکتور عباس بصیر د اساسي قانون پر پلي کېدو د څار کمېسیون له غړي عبدالله شفاهي سره ولیدل.

د دغې لیدنې موخه له اساسي قانون څخه د تحصیلي بنسټونو د خبرولو پروګرامونو. . .

دوشنبه ۱۴۰۰/۲/۲۰ - ۶:۹
Background image

په پام کې ده چې د هېواد په لویو پوهنتونونو کې د پښتو ژبې او ادبیاتو د ماسټري پروګرامونو ته لار هواره شي

په پام کې ده چې د تقنیني اسنادو پر بنسټ د هېواد لویو پوهنتونونو تر منځ د ماسټرۍ ګډ پروګرام په لوړ او معیاري کیفیت رامنځته شي چې په لومړي نوښت کې د هېواد د دولتي پوهنتونو تر منځ د ۷ اړخی. . .

BACK TO NEWS