د لوړو زده کړو وزارت رهبري شورا ناسته د دغه وزارت سرپرست وزیر شیخ الحدیث مولوي نداء محمد ندیم په مشرۍ ترسره شوه.
د ناستې په پیل کې د لوړو زده کړو سرپرست وزیر د رهبري شورا غړو ته وویل چې اوسنۍ دندې زموږ لپاره ستر امانتونه دي، چې باید په احسن ډول اداء شي. دغه راز نوموړي وویل چې موږ باید د خپل امیر لخوا د راکړل شوي مسؤلیت او د هغو پر غوښتنو پوه شو.
همدارنګه د لوړو زده کړو سرپرست وزیر د امیرالمؤمنین صاحب حفظه الله د فرامینو او هدایاتو پر تطبیق ټينګار وکړ او د رهبري شورا له غړو څخه یې وغوښتل چې د مشرتابه د فرامینو او هدایاتو ملاتړ وکړي او په خپلو ادارو کې یې پلي کړي.
وروسته له اجنډا سره سم د تېرو شوراګانو پرېکړو ته کتنه وشوه، د ټاکل شویو کمېټو د ترسره شوو کړنو راپورونه واورېدل شول او د پاتې چارو د ښه ترسراوي په موخه ټاکلو کمېټو ته دندې وسپارل شوې.
د لوړو زده کړو وزارت رهبري شورا هغه با صلاحیته مرجع ده، چې د دغه وزارت مشرتابه پلاوی، د دیني جامعاتو او تخصصاتو رئيس، د مرکزي ادارو او مرکزي پوهنتونونو رئیس صاحبان یې غړیتوب لري.
نېټه: سه شنبه
۱۴۴۶هـ.ق، د ربیع الال ۸مه
۱۴۰۳هـ.ش، د سنبلې ۲۰مه
۲۰۲۴م، د سپټمبر ۱۰مه
