د ښځو له‌پاره د بنګله‌دېش هیواد آسیايي پوهنتون تحصیلي بورسیې

برک موسسې د "ښځو له‌پاره د بنګله‌دېش آسیايي پوهنتون" کې یوازې د ښځینه‌وو له‌پاره په لاندې برخو کې د پنځوس تحصیلي بورسونو خبر ورکړی دی.

•        Economics (B.Ss)

•        Environmental Science (B.SC)

•        Politics, philosophy and Economics (BA)

•        Public Health studies (B.SC)

د اړتیا وړ شرایط او سندونه:

د نوماندې د ښوونځي د درې کلونو نمرو سلنه باید تر ۷۰ لوړه وي

          له انګرېزي ژبې سره بلدتیا ولري

          د ښوونځي شهادتنامې درلودل اړین دي او له هغې پرته نوم لیکنه نه کېږي

نو هغه ښځینه مینوالې چې یادو بورسونو کې د نوم لیکنې غوښتونکې دي، لومړی دې د لوړو زده کړو وزارت ته راشي؛ د فورمونو ترلاسه کولو وروسته دې د یاد پوهنتون غوښتنلیک فورم ډکولو له‌پاره د برک موسسې لاندې پتې ته ورشي او خپل سندونه دې د ۲۰۲۱ میلادي کال د مارچ ۲۵ نیټې وړاندې چې د ۱۴۰۰ لمریز کال د وري له ۵مې نېټې سره سمون لري؛ د لوړو زده کړو وزارت ته وسپاري.

پته: ۱۹۰ نمبر کور، څلورم سړک، آریانا کارته، شیرینو لېسې ته مخامخ، کابل، افغانستان. ۰۰۹۳۷۰۴۷۳۳۲۹۳

د یادونې وړ ده  چې د نوماندانو ازموینه به د ښځو له‌پاره د بنګله‌دېش هیواد آسیايي پوهنتون له لوري برک دفتر سره په همغږۍ اخیستل کېږي چې نېټه او ځای به یې وروسته څرګند شي.