د سویس هېواد د دکتورا، تر دوکتورا پورته او څېړنیزې دورې په کچه تحصیلي بورسیو خبرتیا
Due
-
په افغانستان کې د سویس پراختیايي او همکارۍ اداره د ۲۰۲۲ – ۲۰۲۳ تحصیلي کلونو لپاره د افغانستان په شمول یو شمېر هېوادونو ته د دوکتورا، تر دوکتورا پورته او څېړنیزې دورې محدودو تحصیلي آزادې بورسیې خبر ورکړی او د افغانستان له دولتي او خصوصي پوهنتونونو څخه یې وړ کسان غوښتي دي.
یادونه: د سویس پراختیايي او همکارۍ اداره د نوماندانو د اسنادو تر ټولولو او بشپړولو وروسته په اسلام آباد کې د سویس سفارت ته استوي، نوماندان به د وروستیو پړاوونو لپاره سیده د د سویس سفارت او د سکالرشېپونو فدرال کمېسیون لخوا خبر شي.
نوماندان کولای شي چې د یادو بورسیو په هکله لازیاتو معلوماتو لپاره د الکترونیکي پوست Kabul@eda.admin.ch له لارې اړیکه ونیسي.
په ورته وخت کې یادونه کېږي چې د یادې بورسیې نوملیکنې پروسه ازاده ده نو له دې امله به ټول مراحل د نوماندانو لخوا بشپړېږي او د هوکړې په صورت کې به د بورس ورکوونکې مرجع له خوا د نوماندانو شخصي برېښنالیکونو ته منښتلیکونه ورلېږل کېږي.
د یادو بورسیو وړ غوښتونکو ته خبر ورکول کېږي که چېرې د یاد هېواد په تحصیلي بورسیو کې د ګډون غوښتونکي دي نو خپل د نوماندۍ اسناد د لوړو زده کړو وزارت د عمومي منښت له ۲۱مې غرفې ترلاسه او د ۲۰۲۱ کال سپټمبر تر ۲۰مې چې د ۱۴۰۰ کال د وږي له ۲۹مې سره سمون لري، څخه مخکې یادې غرفې ته وسپاري.
د لازیاتو معلوماتو لپاره لېنک کېکاږئ.