د کمال خان بند پرانیستې په پار د دولتي او خصوصي بنسټونو تر منځ د مقالو لیکنې سیالۍ جوړېږي

baqir_admin
یکشنبه ۱۳۹۹/۱۲/۱۰ - ۱۱:۲۹
ل

د لوړو زده کړو وزارت علمي مرستیال پوهنمل عبدالتواب بالاکرزي، په داسې حال کې چې د کابل پوهنتون رییس محمد عثمان بابري، د چاپیریال او اوبو د منابعو ملي څېړنیز مرکز مشر دوکتور محمد وسیم اقبال او د ځینو مرکزي ادارو رییسانو هم ګډون لاره؛ له دولتي پوهنتونونو سره یې په یوه ویډیويي ناسته کې، د لوړو زده کړو له ټولو دولتي بنسټونو وغوښتل، چې د ۱۴۰۰ کال د وري میاشتې له رارسېدو مخکې خپلې علمي او څېړنیزې مقالې هغې کمېټې ته وسپاري، چې په لوړو زده کړو وزارت کې په دغه موخه جوړه شوې ده.

د لوړو زده کړو وزارت علمي معین وویل؛ چې د لوړو زده کړو وزارت د ولسمشرۍ ماڼۍ د ۵۲۷۳ شمېرې هدایت پر بنسټ اړ دی، څو د هېواد د علمي کادرونو له علمي او څېړنیز ظرفیت څخه، په ځانګړې توګه د انجنیرۍ او چاپیریال له پوهنځیو، د کمال خان بند او په اقتصادي او د اوبو سرچینو د مدیریت په برخه کې د ځای په مناسبت دې ټول دولتي او خصوصي بنسټونه راوغواړي څو خپلې علمي نظریې د یوه کتاب په چوکاټ کې په ځانګړې توګه د کمال خان بند او اوبو سرچینو د مدیریت په اړه وړاندې او تدوین کړي.

ښاغلي بالاکرزي زیاته کړه؛ د ټولو ولایتونو د دولتي او خصوصي پوهنتونو د محصلینو تر منځ د مقالو سیالي، علمي سمینارونه همدارنګه د افغانستان د اوبو راګرځونه او کمال خان بند د ارزښت تر عنوان لاندې د مناظرې جوړول، دغه راز د پولي تخنیک پوهنتون او نورو دولتي او خصوصي پوهنتونو په همکارۍ د هېواد د اوبو د منابعو او کمال خان بند د ارزښت په اړه د علمي سیمینار جوړول او د چاپېریال ساتنې ادارې له ملي څېړنیز مرکز او همدارنګه د هېواد له رسنیو سره یې شریکول، دغه راز د نیمروز ولایت د لرغونتیا، د کمال خان بند د ارزښت او د افغانانو په ژوند یې د اغېز په اړه د سمینار جوړول او همدارنګه د ځوانانو تر منځ (اوبه د افغانستان پانګه ده) تر عنوان لاندې د مناظرې ایجاد؛ دا ټول هغه مهم پلانونه دي، چې د کمال خان بند او ۱۴۰۰ تحصیلي کال د پرانیستې په پار په پام کې نیول شوي دي.

دغه راز د لوړو زده کړو وزارت علمي معین ټولو دولتي او خصوصي پوهنتونونو ته لارښوونه وکړه، څو تر نوي تحصیلي کال پورې د بنرونو په وسیله (زموږ اوبه زموږ آبرو ده) شعار خپرول پیل او د هیواد پرمختګ په برخه کې د اوبو مدیریت د ارزښت په اړه علمي او څېړنیز سمینارونه جوړ او له یو بل سره خپل نظرونه شریک کړي.

سربېره پر دې چې په لوړو زده کړو وزارت کې د دغې جشنوارې لپاره کمیټه جوړیږي، په ټولو دولتي او خصوصي تحصیلي بنسټونو کې د همغږۍ په موخه یوه یوه کمېټه جوړېږي، چې رییس، علمي مرستیالان او د اړوندو پوهنځيو رییسان او د محصلینو چارو مالي او اداري مسوولین به پکې شامل وي.

هغه آثار چې په دې اړه تدوین او تآلیف کېږي، د اوبو د تنظیم چارو ادارې په همکارۍ چاپیږي.

تازه ترین اخبار

دوشنبه ۱۴۰۰/۲/۲۰ - ۱۰:۵۶
Background image

نور احمد درویش معین مالی و اداری وزارت تحصیلات عالی از تیم توزیع تذکره برقی در پوهنتون کابل ستایش به عمل آورد

 معین مالی و اداری وزارت تحصیلات عالی از تیم توزیع تذکرۀ الکترونیکی در پوهنتون کابل ستایش کرد و مدیریت آنان را جهت تسریع روند توزیع تذکره و ایجاد سهولت برای مراجعه کنندگان سودمند خواند.. . .

دوشنبه ۱۴۰۰/۲/۲۰ - ۱۰:۳
Background image

وزیر تحصیلات عالی با عضو کمیسیون نظارت بر تطبیق قانون اساسی دیدار کرد

دکتور عباس بصیر وزیر تحصیلات عالی با عبدالله شفاهی عضو کمیسیون نظارت بر تطبیق قانون اساسی دیدار نمود.

 هدف از این دیدار را چگونگی راه اندازی برنامه های مشترک در راستای آگاهی دهی از. . .

دوشنبه ۱۴۰۰/۲/۲۰ - ۶:۴
Background image

قرار است زمینه برنامه های ماستری زبان و ادبیات پشتو در پوهنتون های بزرگ کشور فراهم گردد

قرار است  بر مبنی اسناد تقنینی برنامه ماستری مشترک میان پوهنتون های بزرگ کشور با کیفیت عالی و معیاری ایجاد گردد که در اولین ابتکار  به اساس یک تفاهمنامه مشترک 7 جانبه میان پوهنتون های. . .

BACK TO NEWS