د ابراهيم النخعي رحمه الله جامعې د افتاء او قضاء تخصص لپاره د فاضلانو د شمولیت ازموینه واخیستل شوه.
د کندهار د ابراهیم النخعي جامعې ریاست د افتاء او قضاء څانګې لپاره له ۱۸۰ فاضلانو آزموینه واخیسته، چې له یادو فاضلانو به ٦٠ تنه جذب شي.
په همدې موخه جوړو شویو مراسمو کې د یادې جامعې رئېس قاضي عبدالصادق غزنوي راغلیو مېلمنو ته د ښه راغلاست ترڅنګ، ټولو راغلیو فاضلانو ته، په آزموینه کې، د بریالي توب هیله وکړه او په شفافیت سره د آزموینې د ترسره کېدو ډاډ یې ورکړ.
د لوړو زده کړو وزارت مسؤلینو په وینا، د افتاء او قضاء تخصصات دوه کاله لوستل کېږي او هغه کسان پکې د شاملېدو حق لري چې له عالمیې مرحلې فارغ وي.
د یادونې وړ ده چې په تحریري ازموینه کې له بریالیو کسانو به تقریري ازموینه هم اخیستل کېږي.
نېټه: چهارشنبه
۱۴۴۵هـ.ق د شوال ۱۵مه
۱۴۰۳هـ.ش د ثور ۵مه
۲۰۲۴م د اپریل
